منتدى الصيدلي

منتدى الصييدلي
 
الرئيسيةالبوابةس .و .جالتسجيلدخول

شاطر | 
 

 حاجات مهمة جــداً لازم تنتبه لها و انت بتقرأ الروشتة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام على
مشرف
مشرف
avatar

عدد الرسائل : 192
sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[field5]</marquee></fieldset></form><!--- MySMS By AlBa7ar Semauae.com -->
تاريخ التسجيل : 22/03/2008

مُساهمةموضوع: حاجات مهمة جــداً لازم تنتبه لها و انت بتقرأ الروشتة   الأربعاء مارس 26, 2008 2:48 pm

السلام عليكم و رحمة الله و بركاته


في حاجات مهمة جدا لازم كلنا كصيادلة ننتبه لها كويس قوي


لان يا جماعة احنا بنتعامل مع اغلى حاجة عند الانسان و هي صحته


* اولا لازم ما تكونش مستعجل ابدا و انت بتقرأ الروشتة


* و تنتبه كويس قوي لاسم الطبيب و تخصصه لان ده مهم جدا جدا في تحديد اسم الدواء لو حصل عندك لبس *** يعني مثلا مش معقول دكتور أمراض عصبية حيكون كاتب للمريض فلاجيل


* و لازم تعرف ان كل الأدوية اللي في الروشتة هي متكاملة مع بعض و مش لازم انك تتعامل مع كل دواء لوحده ***** طبعا لازم نكون فاهمين مسألة التداخلات بين الأدوية ** يعني مثلا مش معقول حيكون في نفس الروشتة مضاد حموضة و يكون معاه في نفس الوقت تيتراسيكلين
لان الاثنين ما ينفعش يتاخدوا مع بعض


* لازم تعرف المريض بيشتكي من ايه ... و دي راح تساعدك لو ما قدرت تفك طلاسم بعض الروشتات و تقدر تتصرف من نفسك و توصف دواء للمريض **** طبعا الكلام ده في الأمراض البسيطة ،،، مش يكون مريض قلب أو مريض أعصاب و تقول اتصرف من نفسي


* لازم كمان ننتبه كويس لسن المريض ،، طبعا الجرعة بتختلف على حسب السن


* في حاجة مهمة لازم يكون عندنا ثقة في نفسنا كصيادلة و لازم نكون واعيين جداً ،، مهم كمان لو كانت المريضة انثى تعرف اذا كانت آنسة او متزوجة ،، ممكن مثلا الطبيب يغلط و يكتب تحاميل مهبلية لبنت ،، و دي حتكون مصيبة انت حتشارك فيها لو ما انتبهت


كثير من الأطباء ممكن يغلطوا في كتابة روشتة ،، لكن احنا كصيادلة مش لازم أبداً اننا نشارك في هذا الخطأ و مش لازم أبداً نشارك في تسبب الأذى للمريض


* لذلك لا تترد و لا تتردي أبداً في السؤال و الاستفسار عن حالة المريض ( علشان ما يقولوا عننا اننا بياعين )


* لازم ننتبه كويس قوي للشكل الصيدلاني للدواء ( شراب ، حبوب ، تحاميل ، .......... الخ )
لان ده مهم جدا ،، و برضه ممكن الطبيب يغلط ،، يعني مثلا ممكن يكتب تحاميل لحد عنده اسهال ،، تيجي ازاي دي !!!!!!!!!!!! ،،،،،،،،، هنا يجي دورنا كصيادلة و لازم ننتبه لمسألة الشكل الصيدلاني و للمرض دي كويس قوي ،،، يعني طفل عنده سنتين ازاي حيعرف يبلع الحبوب ؟؟؟!!!!

* مهم كمان انك تنتبه للتاريخ اللي اتكتب فيه الروشتة ،،، علشان تعرف اذا كان المريض بيكرر العلاج من نفسه و لا الطبيب هو اللي طلب منه كده ،، لان في مرضى بيرتاحوا على علاج معين و يبقة مزاج بالنسبة ليهم

مسألة التاريخ دي مهمة جداً عند صرف الروشتات اللي فيها أدوية مخدرة زاي الترامادول مثلاً ،،، يعني لو جت لك روشتة فيها مثل هذه الأدوية و كان تاريخها قديم ،، هو أساساً قانوناً لا يصح انك تصرفها
* لو بعد كل ده ما قدرتش تتوصل لاسم الدواء و ما قدرتش تفك طلاسم الروشتة


يبقى ما عليك الا انك تتصل بالطبيب ،،،،، بس ما يكونش كاتب الطلاسم دي مخصوص علشان تتصرف من صيدلية معينة


** على فكرة في حاجة مهمة بالنسبة للمبتدئين : ما تتخدش اي خطوة في صرف الروشتة الا بعد الرجوع لصيدلي اكبر منك ،،،، و ده في الأول بس على ما تتعود و تبدأ تكتسب ثقتك في نفسك كصيدلي


دي الحاجات اللي قدرت أكتبها حاليا


لو عندكم اي حاجة ممكن تساعد في القراءة الصحيحة و السليمة للروشتة يا ريت تشاركونا بيها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حاجات مهمة جــداً لازم تنتبه لها و انت بتقرأ الروشتة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الصيدلي :: منتدى الصيدلي :: عالم الروشتات الطبيه-
انتقل الى: